Prif Cymraeg

Pencampwyr Caerdydd a'r Fro

15/05/2012 00:00:00

Llongyfarchiadau i dîm pêl droed blwyddyn 9 yr ysgol am ennill cwpan pêl droed ysgolion Caerdydd a'r Fro yn ddiweddar.

Ymweliad Chris Coleman

04/05/2012 00:00:00

Ar ddydd Gwener, Ebrill 27ain ymwelodd rheolwr tîm pêl-droed Cymru â’r Ysgol. Cynhaliwyd sesiwn cwestiwn ac ateb gyda Chris cyn iddo gael ei lun wedi tynnu gyda thimau pêl-droed yr Ysgol. Gwnaeth y plant mwynhau gonestrwydd a charisma Chris wrth iddo ateb eu cwestiynau.

Cliciwch yma i weld fwy o luniau.

Ymweliad Stwnsh

04/04/2012 00:00:00

Ymwelodd dau o gyflwynwyr Stwnsh â ddisgyblion flynyddoedd 7 ac 8 yr wythnos diwethaf. Cafodd y ddisgyblion llawer o hwyl a sbri wrth gymryd rhan yn gweithgareddau yn neuadd yr ysgol.

Cliciwch yma i ddarllen barn rhai o ddisgyblion flwyddyn 8.

Ein Taith i Ogledd Cymru

21/03/2012 00:00:00

Roedd cyffro mawr ar Ddydd Gŵyl Dewi eleni oherwydd byddai’r Ŵyl yn wahanol iawn i’r arfer. Roedd yr Adran Gymraeg wedi trefnu gwibdaith i ni o amgylch Cymru. Pwrpas y daith oedd i ni ymgynefino gyda llefydd a fyddai’n arwyddocaol i ni wrth astudio Llenyddiaeth Gymraeg i lefel TGAU.

Cliciwch yma ar gyfer y stori lawn ac am luniau o'r daith.

Gwobr Her NACE Cymru

08/03/2012 00:00:00

Ysgol Gyfun Bro Morgannwg yw’r Ysgol Gyfun Gymraeg 1af a'r 11eg ysgol yng Nghymru i ennill y Gwobr Her NACE Cymru i ddisgyblion mwy abl a thalentog. Mae’r wobr yn cael ei chyflwyno am waith o’r safon uchaf gan Ysgol gyfan, athrawon a llywodraethwyr wrth herio pob disygbl gan gynnwys y disgyblion hynny gyda medrau uchel i gyflawni eu gorau.

Crewyd argraff ffafriol ar yr aseswyr gan yr arweiniad cryf a’r oruchwyliaeth o’r ddarpariaeth ar gyfer disgyblion mwy abl. Canmolwyd hefyd y cymorth da a’r her a ddarperir gan y llywodraethwyr.

Arfarnwyd safon gwaith yr Ysgol gan yr aseswyr trwy arsylwi gwersi, cyfweld â disgyblion, athrawon, rhieni a llywodraethwyr ac wrth edrych ar waith disgyblion. Cyflwynir y wobr pan fo ysgolion yn dangos eu bod yn cwrdd â safonau’r Wobr a bod ymrwymiad i sicrhau fod y ddarpariaeth o’r safon uchaf i ddisgyblion mwy abl a thalentog yn parhau.

Pythefnos Masnach Deg

01/03/2012 00:00:00

Yn ystod pythefnos Masnach Deg, cynhelir siop Masnach Deg bob amser egwyl a chinio. Cynhelir diwrnod Masnach Deg i flwyddyn 7 ar 06/03/12.

Diwrnod Pontio Chwaraeon

24/02/2012 00:00:00

Ar Ddydd Gwener cyn hanner tymor daeth disgyblion blwyddyn 6 o’r ysgolion cynradd i ymweld â’r Ysgol i gymryd rhan mewn diwrnod chwaraeon.

Cliciwch yma am luniau a mwy o fanylion.

Diwrnod Pontio Gwyddoniaeth

07/02/2012 00:00:00

Ar Ionawr 31 daeth 18 disgybl o'r ysgolion cynradd i Ysgol Bro Morgannwg i gymryd rhan mewn Gweithdy Gwyddoniaeth gyda 10 disgybl o Flwyddyn 7. Thema'r dydd oedd 'Llongddrylliad' a chafwyd sawl gweithgaredd ymestynnol.

Eisteddfod Ysgol

30/01/2012 00:00:00

Cynhelir Eisteddfod yr Ysgol Dydd Mercher 1af o Chwefror yn y Neuadd Goffa. Mae’r disgyblion wedi bod yn brysur yn cystadlu yn y cystadlaethau gwaith cartref ac maent yn ymarfer yn galed gyda’u llysoedd.

Enillydd Cystadleuaeth Rotary

25/01/2012 00:00:00

Ar Ddydd Mawrth Ionawr 17 roedd naw disgybl o ysgolion y Fro yn cymryd rhan yn rownd gyntaf cystadleuaeth coginio Rotary. Y person buddugol oedd Ryan James, Bl. 10 Ysgol Gyfun Bro Morgannwg.

Llongyfarchiadau Lowri

19/01/2012 00:00:00

Mi fydd Lowri Jones disgybl Bl.8 yn perfformio gyda sêr cyflwyniad ‘Holiday on Ice’ pan ddaw i Gaerdydd ym mis Chwefror. Dymunwn bob lwc iddi wrth iddi baratoi a pherfformio yn y sioe ym mis Chwefror.

Noson Gwobrwyo 2012

16/01/2012 00:00:00

Cynhaliwyd noson wobrwyo yn neuadd yr Ysgol yr wythnos diwethaf. Gwahoddwyd Y Gwir Anrhydeddus Rhodri Morgan fel gŵr gwadd i gyflwyno tystysgrifau TGAU a Safon Uwch.

Taith Sgïo, Serre Chevalier 2011

05/01/2012 00:00:00

Cafodd disgyblion Bl.8 amser bendigedig yn sgïo yn Serre Chevalier, Ffrainc ym mis Rhagfyr. Adroddiad o’r daith i ddilyn.

Llongyfarchiadau YGBM

09/12/2011 00:00:00

Hoffai’r Llywodraethwyr longyfarch y staff a’r disgyblion ar gael eu gosod ym Mand 1 o ddosbarthiad Llywodraeth Cymru o ysgolion y wlad yn seliedig ar eu perfformiad yn arholiadau 2011. Dyma oedd y sefyllfa ar gyfer 2010 hefyd. Mae’n brawf o waith called pawb sydd ynghlwm â Bro Morgannwg. Da iawn chi a diolch.

Geraint Evans
Cadeirydd y Llywodraethwyr/Chair of Governors

Sut mae ysgolion wedi gwneud gyda'r system bandio newydd?

Diwrnod Pontio Ieithoedd 2011

05/12/2011 00:00:00

Ar ddydd Mawrth daeth disgyblion blwyddyn 6 o’r 5 ysgol gynradd i Ysgol Bro Morgannwg ar gyfer Diwrnod Pontio Ieithoedd. Fe gawsant croissants a sudd i ddechrau’r diwrnod wedi ei weini gan aelodau’r chweched. Yna fe wnaethant gemau parasiwt Ffrangeg yn y neuadd, cerdiau Nadolig yn yr Adran Gelf a nifer o weithgareddau blasu eraill trwy gyfrwng Ffrangeg, Sbaeneg ac Almaeneg.

Cliciwch yma am fwy o luniau.

Pencampwyr Gymnasteg Cymru

01/12/2011 00:00:00

Llongyfarchiadau i ddisgyblion flynyddoedd 7, 8 a 9 ar eu llwyddiannau yng Nghystadleuaeth Gymnasteg Cymru yr wythnos hon, yn enwedig i Bencampwyr Cymru bechgyn bl. 7 sef Joseff Williams, Andrew Lewis, Rhys Davies, Gethin Evans, Jac Marshall a Saul Connelly. Yn 4ydd yng Nghymru roedd merched bl. 7 ac yn 3ydd yng Nghaerdydd a’r Fro roedd merched a bechgyn blynyddoedd 8 a 9. Llongyfarchiadau i bob un ohonynt.

Plant Mewn Angen

28/11/2011 14:46:03

Casglwyd £1,185.43 i Blant Mewn Angen eleni. Trefnwyd gweithgareddau fel cic o’r smotyn, peintio wynebau, a thynnu llun gyda Pudsey. Roedd stondin cacennau a losin a gwisgwyd dillad smotiog neu streipïog gan ddisgyblion a staff.

Gwobr Ewropeaidd i Ysgol Y Fro

21/11/2011 00:00:00

Mae athrawes ym Mro Morgannwg newydd ennill gwobr e-ddysgu Ewropeaidd o bwys. Wedi’i hariannu gan y Comisiwn Ewropeaidd, nod y gystadleuaeth oedd canfod arfer dda wrth gyfuno defnyddio’r cyfryngau cymdeithasol a dysgu ieithoedd ar draws Ewrop.

Croeso Kathrin!

16/11/2011 00:00:00

Mae Kathrin Spieß, athrawes uwchradd o'r Almaen newydd gyrraedd Bro Morgannwg. Bydd hi yn yr ysgol am bythefnos drwy gynllun UK-German Connections Host a German Teacher.

Noson Arbennig Iawn

14/11/2011 16:27:25

Yn ystod noson rhieni Bl. 7 diweddar, roedd yna gyfle i rieni gael profi rhai o’r arddulliau dysgu sydd yn cael eu cynnig i ddisgyblion blwyddyn 7 yma yn Ysgol Gyfun Bro Morgannwg.

Wythnos Democratiaeth Lleol

18/10/2011 00:00:00

Wythnos diwethaf fel rhan o weithgareddau Wythnos Democratiaeth Lleol cynhaliwyd etholiadau Cyngor a Cabinet Ysgol.

Ar ddydd Iau daeth y V-Pod i’r Ysgol i godi ymwybyddiaeth y disgyblion am wythnos ddemocratiaeth lleol a’u hawliau nhw i fod yn rhan o’r broses gwneud penderfyniadau sy’n effeithio arnyn nhw – ‘Cymeryd Rhan – Hawlio Pŵer’.

Clicliwch yma am fwy o luniau a manylion.

Ymwelwyr o Grünstadt

21/09/2011 16:17:15

Mae’r daith gyfnewid rhwng y Leininger Gymnasium yn Grünstadt a Ysgol Bro Morgannwg yn mynd yn ei blaen. Cyrhaeddodd yr Almaenwyr y Barri ddydd Sul. Maen nhw’n aros gyda theuluoedd Bl.9 am yr wythnos.

Wythnos y BAC

15/09/2011 00:00:00

Croesawyd blwyddyn 12 yn ôl i’r ysgol Dydd Mawrth 6ed o Fedi, ac fe wnaethant fwynhau wythnos o weithgareddau oedd yn rhan o’r Fagloriaeth Gymreig. Fwy o luniau i ddilyn cyn bo hir.

Canlyniadau TGAU

25/08/2011 00:00:00

Canlyniadau TGAU ardderchog eto eleni i ddisgyblion Ysgol Bro Morgannwg.

Am y stori llawn ac am fwy o luniau cliciwch yma.

Canlyniadau Lefel A

19/08/2011 00:00:00

Canlyniadau Lefel A ardderchog eto eleni i ddisgyblion Ysgol Bro Morgannwg.

Am y stori llawn ac am fwy o luniau cliciwch yma.

Cylchlythyr yr Haf

16/08/2011 00:00:00

Cliciwch yma am gylchlythyr diweddaraf Ysgol Gyfun Bro Morgannwg.

Bwrlwm Bro

11/08/2011 19:19:45

Mwynhawyd dau weithgaredd gwahanol yn ystod wythnos olaf y tymor. Ar Ddydd Mercher roedd y disgyblion wrth eu bodd yn cymryd rhan yn Bwrlwm Bro, diwrnod o weithgareddau a hwyl. Diolch yn fawr i Ms Cari Ormerod am gyd-lynu’r dydd.

A Midsummer Night's Dream

29/07/2011 18:56:42

Ar nos Lun yn ystod wythnos olaf y tymor braint oedd gweld perfformiad bl. 7 o A Midsummer Night’s Dream, ffrwyth lafar caled yr Adrannau Saesneg a Drama.

Digwyddiad Pwysig

27/06/2011 14:06:59

Ar y 25ain o Fehefin bu nifer fawr o ddisgyblion a staff yr ysgol yn rhan o Seremoni Cyhoeddi yr Eisteddfod Genedlaethol a gynhelir ym Mro Morgannwg yn Awst 2012. Bu gorymdaith trwy dref y Barri ac yna seremoni yng ngerddi Gladstone.

Cyfnewid Grünstadt

13/06/2011 00:00:00

Mae disgyblion Almaeneg blwyddyn 9 wedi bod yn brysur yn blogio a phodledu o'r cyfnewid yn Grünstadt. Maen nhw'n ymweld â'u partneriaid cyfnewid yn y Leininger Gymnasium ac yn mwynhau ymweld ag ardal hardd Grünstadt.

Darllenwch eu blogiau yma: http://ygbmalmaen.blogspot.com/

Gwrandewch ar y podlediadau yma: http://ygbmalmaen.jellycast.com/podcast/feed/2

Eisteddfod yr Urdd

27/05/2011 00:00:00

Pob lwc i'r holl ddisgyblion sy'n cystadlu yn yr Eisteddfod yn Abertawe!!

Pencampwraig Prydeinig

16/05/2011 10:27:54

Rydym wrth ein bodd yn dathlu llwyddiant rhagorol Ffion Byrne o flwyddyn 8 sydd wedi dod yn bencampwraig Prydeinig yn Stoke on Trent ar Fai y 7fed. Hi yw Pencampwraig "tumbling" ysgolion Prydain am eleni. Tipyn o gamp - gwych!

Spelling Bee De Cymru

09/05/2011 15:19:56

Aeth 4 o enillwyr Spelling Bee Ffrangeg Blwyddyn 7 Ysgol Gyfun Bro Morgannwg i gystadlu yn rownd De Cymru yn Ysgol Cwrt Sart ger Castell Nedd. Gwnaeth Lois Aled, Nia Brown, Nia Fenn a Terry James yn ardderchog ar y dydd, ond dim ond Lois aeth ymlaen i'r rownd derfynol. Daeth Lois yn ail allan o'r holl gystadleuwyr.

Triawd Rhyngwladol

15/04/2011 14:14:24

Yn fuan wedi i Cory Allen ennill ei gap cyntaf yn chwarae rygbi dan 18 i Gymru, mae Steffan Jones wedi chwarae pêl droed dros ei wlad o dan 18 ac mae Dafydd George wedi ennill fest rhyngwladol yn cynrychioli ei wlad wrth redeg traws gwlad.

Pencampwyr!

07/04/2011 09:39:19

Llongyfarchiadau i fechgyn y Tîm Rygbi Hŷn a oedd yn fuddugol yn erbyn Ysgol Llanisien yn rownd derfynol Cwpan Rygbi Cymru yn Stadiwm y Mileniwm ddoe.

Pob Lwc

06/04/2011 10:49:23

Dymuniadau gorau i fechgyn y Tîm Rygbi Hŷn sy'n chwarae yn rownd derfynol Cwpan Rygbi Cymru heddiw. Maen nhw'n chwarae yn erbyn Ysgol Llanisien yn Stadiwm y Mileniwm yng Nghaerdydd, mae'r gêm yn dechrau am 2:45y.h.

Clwb Darllen Chwaraeon

31/03/2011 00:00:00

Mae criw o fechgyn Blwyddyn 8 yn cwrdd yn wythnosol mewn clwb darllen cylchgronau chwaraeon arbennig iawn! Meant wrth eu bodd yn darllen cylchgronau.

Bwletin Ysgol BBC

24/03/2011 00:00:00

Bu rhai o ddisgyblion Blwyddyn 7, 8 a 9 yn ddigon ffodus i gael cyfle i greu bwletin newyddion i’r BBC. Yn yr ystafell fideo gynhadledd cafwyd y cyfle i ofyn cwestiynau a thrafod eu profiadau, gyda gohebwyr proffesiynol y BBC e.e. Huw Edwards a Sian Lloyd. Yna roedd rhaid mynd ati i gynllunio a chreu bwletinau newyddion eu hun. Bydd y bwletinau yn cael eu harddangos ar wefan yr ysgol a’r BBC ar Fawrth 24ain.

Gan Lois, Nia a Niamh

Cliciwch yma i weld fwy

Ail i'r tîm Siarad Cyhoeddus

22/03/2011 14:30:33

Llongyfarchiadau i’r tîm siarad cyhoeddus iau, Owen Young, Robin Tait a Leah Robinson o flwyddyn 9 a ddaeth yn ail yn y gystadleuaeth Rotary De Cymru.

Cap i Cory

09/03/2011 13:29:11

Newyddion gwych i Cory Allen o flwyddyn 13 ac i’r ysgol! Enillodd Cory ei gap cyntaf i dîm Cymru dan 18 Dydd Sul diwethaf.

Llwyddiant i Blaid y Ddraig

24/02/2011 00:00:00

Bu’n ddiwrnod cyffrous yn yr ysgol yr wythnos hon pan gynhaliwyd cyfres o weithgareddau ar y thema Dinasyddiaeth. Lluniwyd pum plaid i frwydro yn yr etholiad ac ar ddiwedd y dydd, Plaid y Ddraig fu’n fuddugol.

Ymweliad Tywysog Lesotho

09/02/2011 15:32:20

Croesawyd ymwelydd arbennig i'r ysgol fore Mawrth sef Tywysog Lesotho. Roedd yn ymweld â'r ysgol fel rhan o gysylltiad Dolen Cymru.

Ymweliad Pencampwr

07/02/2011 00:00:00

Ar Ddydd Llun Ionawr 24ain daeth ymwelydd pwysig iawn i’r ysgol er mwyn gweld disgyblion Bl. 8 sydd ynghlwm â’r gynghrair “virtual” athletau. Yr ymwelydd yma oedd Jonathan Edwards.

Llwyddiant Gymnasteg

31/01/2011 00:00:00

Llongyfarchiadau gwresog i aelodau talentog tîm gymnasteg yr ysgol ar eu llwyddiant diweddar yng Nghystadleuaeth y Sir (Caerdydd a'r Fro) yn Athrofa Cenedlaethol Chwaraeon Cymru yng Ngerddi Soffia.

Gwefan Newydd

26/11/2010 12:04:24

Croeso i'n gwefan newydd

Dathlu 10 Mlynedd

26/11/2010 00:00:00

Fe fydd cyngerdd i ddathlu penblwydd 10 oed yr ysgol ar ddydd Sul Rhagfyr y 5ed. Cynhelir y cyngerdd yn Neuadd Goffa y Barri.